Şirkət hüquq və mühafizə xidmətinin təşkili sahəsində zəngin faəliyyət ənənələri və 1200-dən artıq kompetent işçiləri ilə iqtisadiyyatın müxtəlif sahələrini təmsil edən 110-dan çox tərəfdaş qurum və şirkətlərə fiziki mühafizə, mal-material dövriyyəsinə nəzarət, yanğından mühafizə işinin qurulması, özəl fiziki mühafizə, təhlükəsizlik və kamera sistemlərinin quraşdırılması, onlara texniki dəstəyin verilməsi də daxil olmaqla müxtəlif istiqamətlər üzrə peşəkar xidmət göstərir.

GESCO şirkətinin missiyaları aşağıdakılardır:
- Beynəlxalq təcrübənin mənimsənilməsi və işçilərin bilik və bacarıqlarının mütəmadi təkmilləşdirilməsi hesabına tərəfdaşların fiziki təhlükəsizliyinin yüksək keyfiyyətlə təmin edilməsi və səmərəli konsaltinq xidmətlərin göstərilməsi, bununla da, şirkətin xidmətlərindən istifadə edənlərin xərclərinin azaldılması və risklərin azaldılması;
- Keyfiyyətli və dəqiq xidmət göstərilməsi, eləcə də mühafizə xidmətini təşkil edən əməkdaşların peşəkarlığı sayəsində tərəfdaşların işgüzar nüfuzunun artırılması.

GESCO şirkətinin vizyonu aşağıdakılardır:
- Azərbaycanda mühafizə işinin təşkili sahəsində beynəlxalq təcrübəyə söykənən yerli ənənələrin və dəyərlərin, eləcə də bu sahənin ölkəmizdə inkişafı üçün zəruri təcrübənin formalaşdırılması və yüksək ixtisaslı insan kapitalının hazırlanması.