Gecə klubunda qaz balonunun partlaması gözlənilən idi - Ekspertlər danışır
Gecə klubunda propan qaz balonunun partlaması təbii yox, gözlənilən hadisə idi. Azərbaycanda balon qazlarından istifadəyə nəzarət edilmədikcə bu hadisələr artacaq. Bunu Anews.az-a açıqlamasında Kommunal xidmətlər üzrə mütəxəssis Nüsrət Qasımov bildirib.
Bu gün, Bakıda gecə klubunda partlayış olub. Partlayışa səbəb maye qaz balonun olduğu deyilir. Bəs Bakının mərkəzində niyə qaz balonu istifadə edilir?
Nüsrət Qasımovun sözlərinə görə, təhlükəsizlik qaydalarına görə kommersiya obyektlərində təbii qazın istifadəsi qadağandır.
"Bazar və yarmarkaların ərazisində, zirzəmi və kürsü mərtəbələrində, həmin zirzəmilərdə yerləşən ictimai iaşə müəssisələrində propan qaz balonlarının saxlanılması və istifadəsi qadağandır. Mətbəxin elektrik enerjisi ilə idarə olunması daha baha başa gəldiyi üçün, kafe-restoranlar balona üstünlük verirlər. Təcrübə göstərir ki, qaz balonun partlayışı daha ağır nəticələnir. Metan qazının istilik yaratma qabiliyyəti 8500 kilo kaloridirsə, bu qazlarda 324 min kilo kaloridir. Metan qazının aşağı partlama həddi 4,5 faizdirsə, bu qazların partlama həddi 2,5 faizdir. Yəni bu qazlar bir yerə 2,5 faiz yığılarsa, partlama baş verə bilər. Bu zaman partlayışın zərbə qüvvəsi 1 kvadratda 100 tona bərabərdir. Qaz balonu potensial mina deməkdir. Kim harda istəyir - yaşayış yerlərində, zirzəmilərdə - bu qaz balonlarını gətirib quraşdırırlar. Quraşdırılmasına isə nəzarət olunmur. Balon qazı ildə 1 dəfə yoxlanışdan keçirilməlidir. Müəssisə rəhbərinə göstərişlər verilməlidir, xüsusi bir qurum mütəmadi olaraq nəzarət etməlidir. Çünki orada işləyən aşbaz, ofisiant yaranan problemi anlamaya və cavabdeh olmaya bilər. Bu, təbii yox, hər kəsin gözlədiyi fəlakət idi", - Qasımov söylədi.
Ekspert bildirir ki, illərdir bu problem var və həlli üçün çalışan qurum yoxdur.
"SSRİ dönəmində balon qazından istifadəyə nəzarət edirdilər. Həmin dönəmdə belə hadisələr demək olar ki, yox səviyyəsində indi. Hazırda isə özbaşınalıqdır. Nəzarət edilmir. Köhnə qaz balonlarını rəngləyib təzə adı ilə satırlar. Nə yoxlanış var, nə nəzarət Belə şey olmaz axı... 30 ilə yaxındır ki, danışıram, ancaq qulaq ardına vururlar", - kommunal xidmətlər üzrə mütəxəssis söylədi.
"Həmin obyektdə balon qazından istifadə etmək qanunsuzdur. Əgər elə müəssisə açmaq istəyirlərsə, başqa məkan seçə bilərdilər. Mütləqdirmi bu qədər insanın həyatını təhlükəyə ataraq zirzəmi seçmək və orada proben qazı istifadə etmək?! Zərərçəkənlərin hüquqları qorunmalı, cavabdeh şəxslər məsuliyyətə cəlb olunmalıdır. Həmçinin, hadisədən sonrakı müddətdə digər əməkdaşlar da işdən ayrıla bilər, bununla bağlı onlara hər hansı irad tutulmamalıdır. Həmçinin, Fövqalədə Hallar Nazirliyi (FHN) məsələ ilə bağlı araşdırma aparıb, açıqlama verməlidir", Nurəliyev vurğuladı.
"Böyük ehtimal olunur ki, hadisə propan qaz balonunun partlaması səbəbindən baş vermişdir.Təhlükəsizlik məqsədilə ərazidə təbii qazın təchizatı dayandırılmışdır. Hadisə yerinə işçilərimiz tərəfindən baxış keçirilərkən obyektdən 3 ədəd propan qaz balonu aşkar edilmişdir, 1 ədədi partlamış vəziyyətdə. Sözü gedən obyekt Azəriqaz abonenti deyil, eyni zamanda yeraltı qaz kəməridə mövcud deyildir", açıqlamada deyilir.
"Faktla bağlı Cinayət Məcəlləsinin 225.2 (yanğın təhlükəsizliyi qaydalarını pozma - ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) və 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddələri ilə cinayət işi başlanaraq, Baş prokurorun müvafiq qərarına əsasən prokurorluq və Fövqəladə Hallar Nazirliyinin müstəntiqlərindən ibarət birgə istintaq qrupu yaradılmış, istintaqın aparılması Baş Prokurorluğun İstintaq idarəsinə həvalə olunub. Hadisənin ilkin ehtimallarla binada qaz təchizatının olmaması səbəbindən orada quraşdırılmış qaz balonundan sızma nəticəsində baş verməsi müəyyən olunub.", - Baş Prokurorluqdan deyilib.
Onun sözlərinə görə, vəziyyəti kritik olan xəstələrin yaxınları ilə mütəmadi əlaqə saxlanılır.
"Müraciətlərin 90%-i yanıq xəsarətləridir. Xəsarət alan şəxslər arasında travmatoloji sınıqla bağlı müraciət edənlər də var. Onlara da aidiyyəti üzrə yardım göstərilib", - Vüqar Qurbanov deyib.
İtaliya vətəndaşı üz çənə zədələnməsi diaqnozu ilə Respublika Klinik Xəstəxanasına yatırılıb, vəziyyəti stabildir. Seneqal vətəndaşı Nərimanov Tibb Mərkəzinə yerləşdirilib və vəziyyəti ağır olaraq dəyərləndirilir.
